RAFIQ MO‘MIN — HAYOT YO‘LI VA IBRATLI MEROS
Annotatsiya
Ushbu maqolada XX asr o‘zbek adabiyotining namoyandalaridan biri, shoir, drama-turg, publitsist va pedagog Rafiq Mo‘minning hayot yo‘li, ijodiy faoliyati hamda adabiy merosi yoritilgan. Adibning Namangan adabiy muhitida shakllanishi, mumtoz adabiyot va xalq og‘zaki ijodiga bo‘lgan qiziqishi, she’riy va dramatik as-arlarining o‘ziga xos xususiyatlari tahlil qilingan. Shuningdek, uning ma’rifatparvarlik faoliyati, ta’lim sohasidagi xizmatlari, xalq folklori namunalarini to‘plash borasidagi ishlari va murakkab tarixiy davrda kechgan hayotiga alohida e’tibor qaratilgan. Rafiq Mo‘min ijodiy merosini o‘rganish orqali milliy adabiy qadriyatlarni asrab-avaylash, tarixiy xotirani tiklash va yosh avlodni ma’naviy ji-hatdan tarbiyalash masalalarining ahamiyati ochib berilgan.
Kalit so‘zlar: Rafiq Mo‘min, Namangan adabiy muhiti, o‘zbek adabiyoti, shoir, dramaturg, peda-gog, publitsist, she’riyat, adabiy meros, xalq og‘zaki ijodi, folklor, ma’rifatparvarlik, siyosiy qatag‘on