O‘ZBEKISTONDA TADBIRKORLIK FAOLIYATIDA SHAXSLARARO MUNOSABATLARNING PSIXOLOGIK OMILLARI
Annotatsiya
Mazkur maqolada O‘zbekistonda tadbirkorlik faoliyatining rivojlanishida shaxslararo munosabatlarning o‘rni va ularning psixologik xususiyatlari nazariy jihatdan tahlil qilingan. Tadbirkorlik munosabatlarining shakllanishi, biznes jarayonida ijtimoiy-psixologik omillarning namoyon bo‘lishi, o‘zaro ishonch, muloqot madaniyati, mas’uliyat, hamkorlik va murosaga kelish ko‘nikmalarining ahamiyati yoritilgan. Shuningdek, tadbirkor shaxsining individual-psixologik xususiyatlari, motivatsiyasi, tavakkalchilikka munosabati hamda boshqaruv faoliyatida shaxslararo munosabatlardan samarali foydalanish imkoniyatlari ilmiy qarashlar asosida tahlil etilgan. Tadbirkorlik faoliyatining samaradorligini oshirishda psixologik bilimlar va kommunikativ kompetensiyalarning ahamiyati asoslab berilgan.
Kalit so‘zlar: tadbirkorlik, shaxslararo munosabatlar, ijtimoiy-psixologik omillar, biznes, muloqot, motivatsiya, o‘zaro ishonch, hamkorlik, tadbirkor shaxsi, qadriyatlar, individuallik, kommunikativ kompetensiya