FUTBOL MASHG‘ULOTLARI ASOSIDA INNOVATSION YONDASHUVLAR BILAN TASHKIL ETILGAN JISMONIY MASHG‘ULOTLARNING O‘SMIR-YOSHLAR JISMONIY FAOLLIGI KO‘RSATKICHLARIGA TA’SIRINI BAHOLASH
Annotatsiya
Ushbu maqolada futbol mashg‘ulotlariga asoslangan innovatsion
pedagogik yondashuvlarning o‘smir-yoshlar jismoniy, texnik va funksional tayyor-garligi ko‘rsatkichlariga ta’siri tahlil qilinadi. Tadqiqotda Samarqand, Navoiy va Qoraqalpog‘iston Respublikasidagi sport maktablarida shug‘ullanuvchi yosh futbolchilarning natijalari ko‘rib chiqildi. Mashg‘ulotlarda individual, jamoaviy va aralash shakllar, maqsadli mashqlar, hamkorlik topshiriqlari, turnir usuli, rolli o‘yinlar hamda rag‘batlantirish elementlaridan foydalanildi. Jismoniy tayyorgarlik tezkorlik, chaqqonlik, portlovchi kuch va kuch chidamliligi testlari orqali, texnik tayyorgarlik esa to‘p uzatish, darvozaga zarba berish, jonglyorlik va to‘pni nazorat qilish testlari orqali baholandi. Funksional tayyorgarlik yurak urish chastotasi, Ru-fye indeksi, Shtange va Gench sinamalari hamda PWC170 ko‘rsatkichi asosida tavsiflandi. Keltirilgan natijalarda tajriba guruhlarining bir qator ko‘rsatkichlarida ijobiy o‘zgarishlar kuzatilgan. Shu bilan birga, ma’lumotlarni statistik jihatdan to‘liq tekshirish va tajriba natijalarini ishonchli baholash zarurligi ta’kidlanadi.
Kalit so‘zlar: futbol, o‘smir-yoshlar, innovatsion yondashuv, jismoniy tayyorgarlik, texnik ma-horat, funksional tayyorgarlik, chaqqonlik, pedagogik texnologiya