“CYBERTA’LIM” PLATFORMASI ASOSIDA AXBOROT XAVFSIZLIGI BO‘YICHA O‘QUV KURSLARINI YARATISH VA O‘QITISHNING DIDAKTIK MODELINI TAKOMILLASHTIRISH
Annotatsiya
Mazkur maqolada raqamlashtirish sharoitida umumiy o‘rta ta’lim o‘quvchilarining axborot xavfsizligi kompetensiyasini rivojlantirishga yo‘naltirilgan o‘quv kurslarini yaratish va o‘qitishning didaktik modeli ilmiy-metodik jihatdan asoslangan. Axborot xavfsizligi ta’limini faqat nazariy bilimlarni o‘zlashtirishga yo‘naltirilgan an’anaviy yondashuvdan kompetensiyaviy, faoliyatli va refleksiv ta’limga o‘tkazish zarurati asoslangan. “CyberTa’lim” elektron ta’lim platformasi asosida kurs mazmunini spiral-modulli tashkil etish, mikroresurslardan foydalanish, nazariy bilimlarni xavfsiz virtual-amaliy faoliyat bilan integratsiyalash, ko‘p mezonli diagnostika va adaptiv teskari aloqani ta’minlash mexanizmlari yoritilgan. Taklif etilayotgan didaktik modelning maqsadli-metodologik, mazmuniy-didaktik, faoliyatli-metodik, texnologik-funksional, diagnostik-monitoring va natijaviy-korreksion komponentlari o‘rtasidagi funksional bog‘liqlik ochib berilgan.
Kalit so‘zlar: raqamli ta’lim, axborot xavfsizligi, CyberTa’lim, didaktik model, elektron ta’lim platformasi, axborot xavfsizligi kompetensiyasi, mikroresurs, modulli ta’lim, virtual-amaliy faoliyat, adaptiv ta’lim, monitoring, teskari aloqa