BOSHLANG‘ICH SINF TEXNOLOGIYA DARSLARIDA TABIIY MATERIALLAR VA RANGLI QOG‘OZLARDAN FOYDALANISHNING DIDAKTIK ASOSLARI
Annotatsiya
Mazkur maqolada boshlang‘ich sinf texnologiya darslarida tabiiy materiallar va rangli qog‘ozlardan foydalanishning didaktik asoslari, ta’limiy va rivojlantiruvchi imkoniyatlari ilmiy-nazariy jihatdan tahlil qilingan. Kichik maktab yoshidagi o‘quvchilarning psixologik-pedagogik xususiyatlarini hisobga olgan holda pred-metli-amaliy faoliyatning bilish jarayonlari, ijodiy tafakkur, mayda motorika, es-tetik idrok va ekologik madaniyatni shakllantirishdagi o‘rni yoritilgan. Tabiiy mate-riallar va rangli qog‘ozlarning o‘ziga xos didaktik imkoniyatlari, ularni o‘zaro uyg‘unlashtirish usullari hamda dars jarayonida qo‘llashning pedagogik shartlari asoslab berilgan. Shuningdek, topshiriqlarni bosqichma-bosqich murakka-blashtirish, o‘quvchilarning individual imkoniyatlarini hisobga olish, xavfsiz mehnat muhitini yaratish va faoliyat natijalarini refleksiv baholash masalalariga alohida e’tibor qaratilgan. Maqola nazariy-metodik xususiyatga ega bo‘lib, bosh-lang‘ich ta’limda amaliy mashg‘ulotlarni takomillashtirishga qaratilgan ilmiy-metodik tavsiyalarni o‘z ichiga oladi.
Kalit so‘zlar: boshlang‘ich ta’lim, texnologiya fani, tabiiy materiallar, rangli qog‘oz, didaktik im-koniyatlar, predmetli-amaliy faoliyat, ijodiy tafakkur, mayda motorika, estetik tarbiya, ekologik madaniyat