BIRINCHI KURS TALABALARINING MOSLASHUV DAVRIDA SOG‘LOM TURMUSH TARZINI QO‘LLAB-QUVVATLASH METODIKASI
Annotatsiya
Mazkur maqolada oliy ta’lim muassasasiga qabul qilingan birinchi kurs talabalarin-ing moslashuv davrida sog‘lom turmush tarzi ko‘nikmalarini shakllantirish va rivojlantirish masalalari yoritilgan. Talabalik davrining dastlabki bosqichida kun tartibi, ovqatlanish, uyqu va jismoniy faollik bilan bog‘liq mas’uliyatning oiladan talabaning o‘ziga o‘tishi, bu jarayonda yuzaga keladigan ijtimoiy-psixologik qiyin-chiliklar hamda ularni pedagogik qo‘llab-quvvatlash zarurati asoslangan. Muallif tomonidan ishlab chiqilgan metodika majburlashdan voz kechish, kichik qadamlar va guruh muhitiga tayanish tamoyillari asosida yoritilib, uni amalga oshirishning tanishuv-diagnostik, yo‘naltiruvchi, mustahkamlovchi va imtihon oldi bosqichlari tavsiflangan. Shuningdek, metodikani amalga oshirishda tyutor, kurator, psixologik xizmat, jismoniy tarbiya kafedrasi hamda talabalar o‘zini o‘zi boshqarish organlari hamkorligining pedagogik ahamiyati ochib berilgan. Tadqiqot natijalari birinchi kurs talabalarining sog‘lom turmush tarziga oid barqaror odatlarini shakllantirishda individual yondashuv, muntazam pedagogik yordam va ijobiy guruh muhitining muhimligini ko‘rsatadi.
Kalit so‘zlar: birinchi kurs talabasi, moslashuv davri, sog‘lom turmush tarzi, pedagogik qo‘llab-quvvatlash, kun tartibi, jismoniy faollik, tyutor, kichik qadamlar tamoyili, sog‘lom turmush ko‘nikmalari